|
XXXI. Euskal Zine Bideo Bilera. Lekeitio 2008
PARTE HARTZEKO OINARRIAK
PARTE HARTZEA
1.- Zeinahi bideo sortzaileri zabalik dago EZBBn parte hartzea.
LANAK
2.- Lanak DVD (bideo) formatoan aurkeztu beharko dira.
3.- EZBB denez gero, lanak euskaraz egindakoak izan beharko dira.
4.- Lanek elaborazioa izan beharko dute, hau da, montaje lana egindako bideoak bakarrik onartuko dira.
5.- Lanen iraupenak ezingo du inondik ere 30 minututik gorakoa izan.
6.- Lanak pelikularen hasiera eta amaiera ondo adierazita azaldu beharko dira. Lanek bai irudia bai audioaren kalitatea aurrez kontrastatuta izan beharko dute. Antolatzaileek ez dute onartuko erreprodukzio sistema lagungarririk eskatzen duen lanik. Esandako baldintzak betetzen ez dituzten lanak ez dira onartuko.
AURKEZPENA
7.- Lanak, izena emateko orria beteta aurkeztu beharko dira. Datuak bete gabe egonez gero, antolatzaileek lan hori baztertuta utziko dute besterik gabe.
8. Bideoaren argazki edo fotograma bi bidaltzea beharrezkoa da.
9.- Lanak, diskoa gordeko duen estutxean bidali beharko dira eta estutxean egilearen izen deiturak eta lanaren ezaugarriak (izenburua, ekoizpen data, iraupena, e.a.) jarrita. Disko bakoitzeko lan bat bakarrik aurkeztu beharko da. Ez da onartuko lan bi edo gehiago duen euskarririk.
10.- Lanak aurkezteko azken eguna 2008ko irailaren 10a izango da.
11.- Lanak helbide honetara bidali edo eskuz-esku eraman beharko dira:
XXXI. Euskal Zine Bideo Bilera
Eusebio Erkiaga Kultur Etxea
R. Mͺ Azkue 5
48280 Lekeitio
Informazio gehiago:
Telefonoa 94 624 34 82 eta faxa: 94 624 32 86
Mobila 656 728 107
e-maila: info@bideobilera.com
www.bideobilera.com
12.- Antolatzaileak ez du inongo erantzukizunik hartuko lanek izan ditzaketen kalteengatik. Hala ere, lanak babesteko antolatzaileen eskuetan diren neurri guztiak hartuko dira.
SARIAK
13.- Egileek hurrengo taulan azaltzen diren arlo eta motaren baten kokatu beharko dituzte EZBBra aurkeztutako lanak. Bertan agertzen dira, baita ere, sailez sail irabazleek eta bigarrenek izango dituzten sariak:
Sormenezkoa Amateurra 1. saria : 1100 eta Zilarrezko Antzarra
Sormenezkoa Amateurra 2. saria : 700 eta Antzarra
Argumentuzkoa Amateurra 1. saria: 1100 eta Zilarrezko Antzarra
Argumentuzkoa Amateurra 2. saria: 700 eta Antzarra
Dokumentala edo erreportaia Amateurra 1. saria: 1100 eta Zilarrezko Antzarra
Dokumentala edo erreportaia Amateurra 2. saria: 700 eta Antzarra
Sormenezkoa Profesionala 1. saria: 1.500 eta Zilarrezko Antzarra
Sormenezkoa Profesionala 2. saria: 1000 eta Antzarra
Argumentuzkoa Profesionala 1. saria: 1.500 eta Zilarrezko Antzarra
Argumentuzkoa Profesionala 2. saria: 1000 eta Antzarra
Dokumentala edo erreportaia Profesionala 1. saria: 1.500 eta Zilarrezko Antzarra
Dokumentala edo erreportaia Profesionala 2. saria: 1000 eta Antzarra
Epaimahaikoek sei irabazleen artean lan bat aukeratuko dute Bilerako filmerik onena izendatzeko. Sari honen irabazleari garaikur berezi bat emango zaio. Sariek erretentzio fiskala izango dute.
14.- Lehiaketaz kanpoko sail berezi bat sortzen da publiko aurrean beraien lana erakutsi besterik nahi duten bideogile profesionalei zuzendua. EZBBko arauak bete beharko dituzte nahiz eta lehiaketan parte hartu ez, euren lana erakutsi bakarrik egingo da.
15.- Epai mahaiak sariak hutsik uzteko ahalmena izango du.
16.- Sariak Jaialdiaren amaierako ekitaldian jakinarazi eta banatuko dira.
17.- Epai mahaiaren erabakiak behin betirakoak eta alda ezinak izango dira.
AUKERAKETA
18.- Aurkezturiko lanak aurretiaz Aukeraketa Batzorde batek aurrikusi eta aukeratuko ditu.
19.- Aurreko urteetako edizioetara aurkezturiko lanak ez dira onartuko.
20.- Antolatzaileak Jaialdiaren promoziorako erabili ahal izango ditu aukeraturiko filmeen zatiak edo pelνkula osoak. Promozio lan hau internet edo argazki bidez egin ahal izango da.
21.- XXXI. EZBB Lekeition, 2008ko azaroaren 18, 19, 20, 21 eta 22an ospatuko da, IKUSGARRI zine aretoan.
22.- Baldintza hauek aldatzea Antolatzailearen esku gelditzen da.
23.- Antolatzaileak uste du partehartzaileak aurkezturiko lanen eskubideen jabe dela. Edozein modutan ere, Antolatzaileak oinarri hau ez betetzearren sortu litezkeen erantzukizunik ez du bere gain hartuko.
24.- Ikus-entzunezkoen sektorea sustatzea da zinemaldi honen helburua eta zinemaldiak ez du, inolaz ere, dirua irabazteko asmorik. Hortaz, parte hartzaileek izena ematearekin batera uko egiten diote zinemaldian lan horiek emateagatik egile eskubideak eskuratzeari.
|
